15.09.2009
42, Tbilisi, Gruzja
ეს მერე,როცა ფერს შეუცვლის ტუჩებს ღალატი
და დასასრული ფოთოლცვენას დაემგვანება,
ავეთქვიფები ჩამუქებულ ნისლებს ქალაქის
და არასოდეს,აღარავინ არ მეყვარება.
ეს მერე,როცა ვერ გაუძლებს გვემას სხეული,
როცა მზერასაც ლიბრისფერი გაეკარება,
მე გავიქცევი სიცოცხლისგან ასე ეული
და არასოდეს,აღარავინ არ მეყვარება.
ეს მერე,როცა გახუნდება მძივი კაბაზე
და მონატრება სულთან ერთად გამეპარება,
გადავინაცვლებ მარმარილოს მომცრო დაფაზე
და არასოდეს,აღარავინ არ მეყვარება
Liczba odwiedzin: 2
Na razie nie ma żadnych komentarzy.
Dodaj komentarz aby rozpocząć dyskusję!