08.10.2013
32, Rome, Włochy
ველური მზერით გიყვარს თამაში....
ჩემს წინ ამაყად , ნებივრად დგომა...
ძლივს დატეულხართ ვიწრო კაბაში
შენ, გაზაფხული და შემოდგომა....
ჯანსაღი ფერით, მდიდარი ტანით
მოხეთქილი ხარ როგორც ჩანჩქერი
ჩემს წასალეკად და გასატანად
და არსაიდან არ სჩანს საშველი!
შენა ხარ ჩემი თავდავიწყება
და მზიან გულზე დარდად მოწოლა
ჩემი საცერა თვალებით გაგცრი
აგაბრიალებ ველურ კოცონად!
შემოგადნება სხეულზე კაბა,
როგორც სიმწიფით გულაბ მსხალს კანი
და ოცნებაში თრთის ვარდის ქაფად,
შენი ლამაზი, ღვთიური ტანი...
მოდი! იხუვლე, ნაპირს გადმოდი
თავდავიწყებას რადგან მპირდები,
მე ცარიელი ვარ კალაპოტი
და ამომავსე შენი ზვირთებით!
Liczba odwiedzin: 12
Na razie nie ma żadnych komentarzy.
Dodaj komentarz aby rozpocząć dyskusję!