26.02.2012
37, Rustavi, Gruzja
სიყვარულია ამდენ ლექსებს რომ მაწერინებს
მისი შეგრძნებაც ჩემთვის უკვე სიხარულია
ხალხშიც უეცრად სიყვარული მომაწყენინებს
მარტო ყოფნასაც რომ მანდომებს სიყვარულია
სიყვარულია შენს დანახვას სულ რომ მოველი
სიყვარულია რომ ლოდინმა აზრი დაბინდა
სიყვარულია გაფიქრებაც შენზე ყოველი
სიყავრულია რომ არავინ მეტი არ მინდა
სიყვარულია ჯერ ცხოვრებამ რომ ვერ გამტეხა
რომ ვუფიქრდები მეჩვენება სიტყვაც სრულია
და ამიტომაც ის ბატონობს ქვეყნად ამდენ ხანს
რადგან ყველაფრის გამართლება სიყვარულია
სიყვარულია ჩვენს შორისაც ვიცი და მე შენ
ვერც შეგხვდებოდი ვერასოდეს ამის გარეშე
და თუ შევძელი თვალი თვალში რომ გაგიყარო
არა მგონია შენც ჩემსავით არ შემიყვარო
Liczba odwiedzin: 2
magaria