20.12.2013
41, Tbilisi, Γεωργία
ნაოჭებში ჩახვეული წლები...
თბილ თვალებში ჩაწოლილი სევდა...
წამწამებზე დაკიდული ცრემლი,
ალბათ, რას არ შეგახვედრათ ბედმა?..
ქალი სხვაა...ქალს უხდება ცრემლი,
იტირებს და მოიოხებს ვარამს,
კაცის ცრემლი-გულის ასჯერ მკვლელი-
მამაკაცის თვალზე ცრემლი მზარავს!..
ო, ბატონო, ჩაიქროლეს წლებმა,
თქვენს წინ გაწვა მოგონების ველი...
ერთხელ ისევ გაგახაროთ ბედმა,
თბილ თვალებზე შეგიმშრალოთ ცრემლი..
5 views
Δεν υπάρχουν ακόμα σχόλια.
Πρόσθεσε ένα σχόλιο για να ξεκινήσεις τη συζήτηση!