Alıb ürəyimi verdin yadlara,
Sən məni bir başqa yara dəyişdin.
Yalanlar deyərək gedirsən hara?
Doğma ürəyimi yada dəyişdin

✿✿✿
Sevərkən hər kəsdən daha çox səni,
Sevməyən birinə verdin qəbini.
Adanıb o saxta gülüşərə sən
Çox olan sevgimi, aza dəyişdin.

✿✿✿

Indi o səninçün çiçəkmi oldu?
Indi o səninçün göyçəkmi oldu?
Mənimçün qurduğun xəyallar soldu.
Gül açan ağacı, bara dəyişdin.

✿✿✿

Nə etsəm olmadı daha bir fayda,
Yorulmuş vücudda qalmayıb hay da.
Tək qaldı ürəyim böyük sarayda.
Bir gözəl otağı, dama dəyişdin
 

Lubię to! 4